Эътиборли томони бу йилги топ - 100 рўйхатига «Арсенал»нинг 7 вакили киритилган.

5 - ўрин. Стэн Кронке (2,079 миллиард), 61 ёшда. Ўтган йили 2,245 миллиард билан 6- ўринда эди.

Кронке «Арсенал» директорлар кенгашига ўтган йилнинг октябрь ойида киритилган эди. Унинг клубдаги улуши 29,9 фоизни ташкил қилади. Агар Кронке яна 0,1 фоиз акцияни сотиб олгудай бўлса, амалда клуб хўжайинига айланади. 30 фоиздан юқори улушга эга бўлганлар қолган акцияларни сотиб олиш таклифи билан чиқиш ҳуқуқини қўлга киритишади.Ҳозирча Кронке бундай нияти йўқлигини айтаётган бўлсада, акцияларни сотиб олишда давом этмоқда. Ўтган ойнинг биринчи декадасида унинг улуши 28,7 фоиз эди. Кронкенинг рафиқаси АҚШнинг энг бадавлат аёлларидан бири Энн Уолтондир. Энн жаҳондаги озиқ-овқат савдоси билан шуғулланувчи йирик Wal-Mart гуруҳининг хўжайини Жеймс Уолтоннинг қизи.

Кронке шунингдек, баскетбол ва хоккей клубларининг хўжайини ҳисобланади. Унинг «Арсенал»даги маблағи 134 миллион фунтга тенг эди. Бироқ жаҳон иқтисодий бўҳрони уни ҳам четлаб ўтмади. «Форбс»нинг хулосасига кўра, Кронке 2,079 миллиард фунт миқдоридаги бойликка эга.

9 - ўрин. Алишер Усмонов (1,3 миллиард), 56 ёшда. Ўтган йили 1,5 миллиард билан 7-ўринда эди.

Ўзбекистонда туғилиб, ҳозирда Россия фуқароси бўлган бу инсон пўлат эритиш ва тоғ-металлургия соҳаларида маблағ орттирган. Усмоновнинг «Металлоинвест» компанияси Россияда 5-ўринда туради. Унинг оммавий ахборот воситалари, телекоммуникация ва банк соҳаларига инвестиция киритиши Владимир Путинга хайрихоҳ эканлигини англатади. Кремль хўжайинлари олигархларга «Сбербанк»нинг 9 миллиард рублга тенг бўлган қўшимча эмиссиясини сотиб олишни таклиф қилишганида, Усмонов 800 миллион рублга акция харид қилганди.

Усмонов 2007 йили 75 миллион фунт-га «Арсенал»нинг 14,58 фоиз акцияларини сотиб олганди. Кейинчалик бу улуш 25,1 фоизга етказилди. Бунинг учун у жами 118 миллион фунт сарфлади.

Усмоновнинг Лондонда 48 миллион фунтга баҳоланган қасри ва жаҳоннинг собиқ энг бой инсони Пол Геттга тегишли бўлган мулки мавжуд.

30 - ўрин. Дэнни Фишман (225 миллион),64 ёшда. Ўтган йили 220 миллион билан 29-ўринда эди.

Иккинчи жаҳон уруши даврида фашистлар таъқибидан қочиб Англияга ўрнашган эмигрантлар фарзанди. «Арсенал»нинг янги стадионга кўчиши ҳақидаги таклиф айнан Фишманга тегишли. У клубни хорижий инвесторларга сотишга қарши бўлган қўмитани бошқарган. Бироқ кўп ўтмай бу кураш бефойдалигини тан олган. Фишман ўз акцияларининг 42,5 миллионлик қисмини Кронкега сотиб, амалда уни бошқарувчига айлантириб қўйди. Ҳозир унинг ҳисобида клубнинг 16,1 фоиз улуши бор. Фишманнинг асосий бойлик манбаи Star Diamond гуруҳи ҳисобланади. У гуруҳнинг 91 фоиз ак-циясига эга. Фишманнинг умумий бойлиги 225 миллион фунт стерлинг атрофида баҳоланмоқда.

35 - ўрин. Лорд Харрис (150 миллион), 67 ёшда. Ўтган йили 130 миллион билан 37 - ўринда эди.

«Арсенал» директорларидан бири бўлган бу олигарх ҳозирги кунда ажойиб имкониятларга эга. Чунки унга қарашли бўлган Сarpetright компаниясининг акциялари нархи кўтарилиб бормоқда. Бу эса компаниянинг умумий нархини 558 миллионга етказди. Харрис консерваторлар пар-тияси етакчиси Дэвид Камеронни қўлламоқда. У Камероннинг сайлов кампаниясига 90000 фунт сарфлаб, қўшимча равишда партия ғазнасига 100 миллион фунт беришини маълум қилди.

Харрис Лондонда вояга етган. 15 ёшида унга отасининг гиламлар савдоси билан шуғулланувчи дўконлар тармоғи мерос қолдирилган. Харрис бу савдо тармоғини 2 миллион фунтга сотиб юбориб, Harris Queensway компаниясига асос солган. 1988 йили эса ўз улушини 69 миллионга сотиб юборади. 1991 йили Сarpetright компаниясини ташкил қилади. Ҳозирда ушбу компания сотаётган ҳар тўрт гиламдан биттаси Харрисга тегишли. Унинг умумий бойлиги 150 миллион фунт атрофида.

46 - ўрин. Леди Нина Брейсуэлл-Смит (85 миллион), 53 ёшда. Ўтган йили 101 миллион билан 44-ўринда эди.

Леди Нина «Арсенал» директорлар кенгашини мажбурий равишда тарк этган бўлсада, клубнинг келажаги айнан унинг қўлида. Ихтиёрида 15,9 фоиз улуш қолгани учун энди унда акцияларини Алишер Усмоновга сотмаслик мажбурияти йўқ.

Нинанинг қайнотаси бир маҳаллар клуб директорлар кенгаши аъзоси бўлган. Қайнотасининг отаси эса 50 йил давомида кенгашни бошқарган. Брейсуэлл-Смитлар оиласи меҳмонхона бизнесида маблағ орттирган. Бу оила узоқ вақт Лондондаги «Риц» меҳмонхонасига эгалик қилган. Шунингдек, Париждаги меҳмонхонада ҳам улуши бўлган. Кейинчалик улушлар 44,58 миллионга сотиб юборилган. Ҳозирда Нинанинг «Арсенал»да 75 миллионлик улуши бор. Умумий бойлиги эса тахминан 85 миллионга тенг.

53 - ўрин. Ричард Карр (60 миллион), 71 ёшда. Ўтган йили 40 миллион билан 56-ўринда бўлган.

Ричард Карр Arsenal Holding Picни тарк этгунига қадар узоқ вақт «Арсенал» директорлар кенгаши аъзоси бўлган. Шунга қарамай, у клубнинг ўзида директор ҳисоблангани учун ҳамон рўйхатдаги ўрнини сақлаб турибди. Каррлар оиласи Брейсуэлл-Смитлар билан яқин алоқада бўлгани боис, бу сулола 60 йил давомида «Арсенал» билан узвий боғланиб келган. 2009 йилнинг май ойида Ричард ўзининг 7,77 фоиз акцияларини Кронкега 45 миллион фунт эвазига сотиб юборган.

99 - ўрин. Арсен Венгер (15 миллион), 60 ёшда. Ўтган йили 14 миллион билан 92-ўринда эди.

Арсен Венгер футбол скаутлари орасида энг тежамкори ва омадлиси ҳисобланади. У мунтазам равишда «Арсенал» бойлигини кўпайтириб бормоқда. Одатда Венгер ёш, иқтидорли футболчиларни харид қилади ва яхши шаклланиб, юлдуз даражасига чиққанларини катта маблағ эвазига сотиб юборади. Янги стадион қурилиши натижасида катта қарзга ботган клуб учун ундан яхшироқ бош мураббий топиш мушкул.

Арсен Венгер билан клуб ўртасида 2007 йили имзоланган шартнома мавжуд. У 2011 йили ниҳоясига етади. Ҳозирда мураббийнинг умумий бойлиги 15 миллион фунт атрофида баҳоланмоқда.

Венгернинг йиллик даромади турли бонусларни қўшиб ҳисоблаганда 7,5 миллионга тенг. Яқинга қадар Венгер дунёнинг энг кўп ҳақ оладиган мураббийи эди. Бироқ ҳозирги кунга келиб, Луиз Фелипе Сколари, Жозе Моуриньо ва Карло Анчелотти каби мутахассислар ундан кўпроқ топяптилар.

Энг бой футболчилар рўйхатини эса, айнан сиз ўйлагандай Дэвид Бекхэм бошқариб келмоқда. Рўйхатда энг кўп вакилга «Манчестер Юнайтед» эга.
1. Дэвид Бекхэм (125 миллион)
2. Майкл Оуэн (38 миллион)
3. Уэйн Руни (37 миллион)
4. Рио Фердинанд (24 миллион)
5. Райан Гигз (30 миллион)
6. Михаэль Баллак (22 миллион)
7. Фрэнк Лэмпард (21 миллион)
8. Стивен Жеррард (20 миллион)
9. Жон Терри (18 миллион)

10. Дидье Дрогба (16 миллион)

11-13. Николья Анелька (14 миллион)

11-13. Фернандо Торрес (14 миллион)

11-13. Эшли Коул (14 миллион)
14. Эмиль Хески (13 миллион)

15-17. Петр Чех (12 миллион)

15-17. Гарри Невилл (12 миллион)

15-17. Дамьен Дафф (12 миллион)

18-19. Жо Коул (11 миллион)

18-19. Димитар Бербатов (11 миллион)
20. Робиньо (10 миллион)

Мураббийлар рўйхатининг юқори ўрни Англия терма жамоаси устози Фабио Капеллога тегишли.

1. Фабио Капелло (30 миллион)

2. Рой Кин (27 миллион)

3. Алекс Фергюсон (22 миллион)

4. Карло Анчелотти (17 миллион)

5. Свен-Ёран Эрикссон (15 миллион)

6. Арсен Венгер (15 миллион)

7. Харри Реднапп (10 миллион)
8-9. Рафаэль Бенитес (9 миллион)

8-9. Мартин О~ Нил (9 миллион)
10. Марк Хьюз (8 миллион)