1997 yil 19 may kuni Toshkent shahrida, ziyolilar oilasida dunyoga kelgan Daler, asli millati tojik bo`lib, tojik, o`zbek, rus tillarini yaxshi biladi. Uning otasi Ismatullo Fayzullaevich o`ziga havas qilib, yaqindan hurmat qilgan san`atkori Daler Nazarovga o`xshashini niyat qilib, o`g`liga Daler ismini qo`ygan. Daler hozirda Glier nomidagi musiqa bilim yurtida tahsil olmoqda. 2001 yil 4 yoshida Anvar Sanaevning "Yor-yor" klipida ishtirok etgan. 2005 yilda Turkiston saroyida, 2006 hamda 2008 yil "Istiqlol" saroyida va 2008 yil avgust oyida Turkiston saroyining yozgi binosida o`z qo`shiqlari bilan chiqish qilgan. Shu kunga qadar ko`plab qo`shiqlar ijro etgan va ularga kliplar suratga oldirgan. Bulardan tashqari qator filmlarda ham ishtirok etgan. Jumladan, Zebo Navro`zovaning "Bo`rilar", "Aprel-may", "Bo`rilar-2. Quvg`in", "Hayr bolaligim", "Yigitlar", Jahongir Poziljonovning "Boyvachcha" hamda "Boyvahcha-2" filmlarida suratga tushgan. Yuqoridagi ijodlari va qo`shiqlari orqali elga va muxlislarga tanilib, hozirgi kunda o`zini ijobiy tomondan namoyon etib o`z ustidan ishlab yangi ijod va namoyishlarga tayyorgarlik ko`rmoqda. Vatanimizning ravnaqi uchun san`atga ozining salmoqli hissasini qo`shib kelmoqda. Qisqacha oila a`zolari haqida ma`lumot: Otasi - Tugashev Ismatillo Fayzullaevich
Onasi - Tugasheva (Mirniyozova) Gulchehra Qudratullaevna
Akasi - Fayzullaev Shuhrat Ismatullaevich
Opasi - Fayzullaeva Bonu Ismatullaevna
|
